„Potschat“ („patschert“) is a Wort, des afoch wunderbar beschreibt, wie uns des Leben an Stolperstein direkt ins Knie schmeißen kann – und es uns ordentlich drüber haut.
Des Häferl rutscht aus der Hand, des Marmeladbrot landet – wie könnt´s a anders sein – mit der bestrichenen Seitn auf´m Boden, und beim Versuch, es aufz´fangen, reißt ma glei no die Tischlamp´n mit owe. – Ein „Potscherl“ is jemand, der afoch a Talent dafür hat, unfreiwillig komische Situationen hinzulegen. Ma möcht demjenigen a ned unbedingt das wertvolle Familienporzellan in d´Händ geben … 😉
A „patscherts“ Verhalten is also von ana gewissen charmanten Tollpatschigkeit geprägt. Der Begriff fällt aber niemals aus Boshaftigkeit und unterstellt a ned unbedingt Dummheit (najo… jo… manchmal scho a bissi.) Oft begleitet den Begriff sogar a gewisse Nachsicht oder gar Sympathie. A so a Potscherl wird oft mit an Schmunzeln bedacht, weil ma eigentli eh alle tief drinnen wissen: Des hätt ma selbst genauso gut sein können – weil: Es is die Kunst des alltäglichen Scheiterns, präsentiert mit der Eleganz von an Elefanten im Porzellanladen. 😉
Wer also als „potschat“ bezeichnet wird, darf des ruhig als Einladung nehmen, sich ned zu ernst zu nehmen – immerhin bringt ma andere damit zuverlässig zum Lachen. A Talent, des a ned a jeder hat!
„potschat“ im Wiener Goscherl-Shop
Oder schau dir afoch alles an, was es da so gibt: Zum Wiener Goscherl-Shop
